Earth Lagoon Bistro

Earth Lagoon Bistro er staðsett í hjarta Mývatnssveitar og byggir á einfaldri og sígildri hugmyndafræði: Að bera virðingu fyrir gæðahráefni úr héraði og bera það fram í umhverfi sem tengir gesti við náttúruna. Við leggjum ríka áherslu á umhverfisvitund, lágmarkssóun og að styðja við heilsu og vellíðan gesta okkar og samfélagsins í heild.

Matseðillinn

Matseðillinn endurspeglar matarkistu Norðurlands; ferskur fiskur úr nærliggjandi vötnum, grænmeti ræktað í gróðurhúsum kynntum með jarðvarma, villt ber og fjallagrös, gæðamjólkurvörur frá bændum í héraðinu og íslenskt lambakjöt af skepnum sem hafa gengið frjálsar til fjalla.

Staðbundið hráefni og alþjóðlegt bragð

Nálgun okkar er einföld: Við viljum upphefja íslenskt hráefni með örlitlum alþjóðlegum blæ. Þó að við nýtum brögð og samsetningu hvaðanæva að úr heiminum til að láta réttina skína, slær hjarta eldhússins í takt við íslenskar hefðir og landslagið sem veitir okkur innblástur.

Matseðillinn okkar er í gildi alla daga frá 12:00-20:00 nema á föstudögum og laugardögum en þá er hann í gildi frá 12:00-15:00.

Sérstök þemakvöld eru í gangi alla föstudaga og laugardaga frá 17:30-20:30 og mismunandi þema um hverja helgi.

Vinsamlegast sendið tölvupóst á info@jardbodin.is ef nánari upplýsinga er óskað.

Samlokur, salöt og sætir bitar

Við gerum okkur einnig grein fyrir því að margir ferðalangar kjósa að njóta svæðisins á sínum eigin hraða. Fyrir gesti sem hafa skamman tíma – eða langar einfaldlega í eitthvað fljótlegt milli ævintýra – býður Earth Lagoon Bistro upp á „gríptu og greiddu“ kaffiteríu. Þar má finna hollar og heimagerðar súpur, nýsmurðar samlokur og fersk salöt ásamt úrvali drykkja og nasls fyrir alla smekki. Þessi valkostur hentar fullkomlega fyrir hópa og þá sem eru á ferðinni um hringveginn og vilja næringarríka máltíð áður en haldið er áfram.

Hugsjónin að baki Earth Lagoon Bistro helst í hendur við Jarðböðin sjálf; Að skapa rólegt og kærkomið athvarf þar sem gestir geta hægt á sér, slakað á og nært bæði líkama og sál í faðmi einnar fegurstu náttúruperlu Íslands. Allt sem við berum fram er gert af alúð, á rætur sínar að rekja í nærumhverfið og er mótað af náttúruundrunum sem umkringja okkur.

Á föstudags- og laugardagskvöldum bjóðum við upp á sérstök þemakvöld frá 17:30-20:30. Þemað er mismunandi milli helga og við kynnum hvern matseðil á samfélagsmiðlum okkar.